TvQuran
https://lh5.googleusercontent.com/-JARh0sF1BzU/TeJpK79HQfI/AAAAAAAAAEo/gfP5nty41QQ/%2525D8%2525A8%2525D9%252586%2525D8%2525B1-%2525D9%252585%2525D9%252581%2525D8%2525AA%2525D9%252588%2525D8%2525AD.gif








آخر 10 مشاركات
مليونير بالقديم !!! (الكاتـب : صلاح موسى - آخر مشاركة : الفاتح علي الزبير - )           »          سلام واحترام (الكاتـب : abufatna - آخر مشاركة : الفاتح علي الزبير - )           »          دفتر الحضور والغياب وتواصل الأعضاء (الكاتـب : الصادق خمجان - آخر مشاركة : الفاتح علي الزبير - )           »          الدرس اليومى بعد صلاة الفجر فى بيرمنجهام من بشرى مبارك إدريس (الكاتـب : بشرى مبارك - )           »          من هم الثلاثه الذين خلفوا فى سورة التوبه وقصتهم (الكاتـب : بشرى مبارك - )           »          خطبة الجمعة الاولى من رمضان الموافق السابع من رمضان من بيرمجهام (الكاتـب : بشرى مبارك - )           »          السلام علييكم اخوانى الكرام بمنتدى العبيدية حظرتونى مالى ؟؟؟ (الكاتـب : بشرى مبارك - )           »          اسماء الذين اشتركو فى واقعة توشكى بمصر وفتوح بربر القيقر (الكاتـب : الصادق خمجان - آخر مشاركة : الفاتح علي الزبير - )           »          مَقَدايْ .. وأسماء الدمبهوب ! (الكاتـب : صلاح موسى - آخر مشاركة : الفاتح علي الزبير - )           »          المنتدي المسكون (الكاتـب : عمر يعقوب - آخر مشاركة : صلاح موسى - )


الإهداءات



منتدى الشعر والخواطر والأدب يطرح كل مواضيع الشعر والخواطر والأدب

إضافة رد
 
أدوات الموضوع اسلوب عرض الموضوع
قديم 11-19-2009, 11:57 AM   المشاركة رقم: 1
المعلومات
الكاتب:
أم آيه
اللقب:
مشرفة منتدى الأسرة والمجتمع
الصورة الرمزية
 
الصورة الرمزية أم آيه

البيانات
التسجيل: May 2009
العضوية: 472
الدولة: العبيدية /النمر الطاشاب
مشاركات: 9,043
بمعدل : 3.03 يوميا

التوقيت

الإتصالات
الحالة:
أم آيه غير متواجد حالياً
وسائل الإتصال:

المنتدى : منتدى الشعر والخواطر والأدب
افتراضي كلمات اغانى جعفر السقيد

لسان الحال
للفنان جعفر السقيد






معذرة.. لو معاك منى الكلام حـــــره .. معليش الخطاب كاتباهــــــو مضطرة
حـــــــــــرام والله مننـــا إنت تتبرا .. خمسة سنين تفوت تجى فيها فد مرة
وراك أنا كم شقيت وعشت فى مرة .. وتعبـــت مع البطان الهم للعيون غرة
بيخاف الغرق الغاص ورا درة .. قالو أدب الصغار والعقــــدة من خدرة
حليلى أنا الزمن ضى فاطرى ما انفر .. وخمسة سنين غياب مابتحملن حرة
أنا الحاضنة العذاب وآمالى محتضرة.. وإنت الفى النعيم ما خات حساب بكرة
مسكينة التقول فى الإغتراب سترة .. وتتناسى القروش فى يوم تكون ضرة
حليل زمنك وكت عايشنا بالأُجــرة .. يا ريــــت لا عرفـــــــت ولا مرق برة
**********

الكاتما فى جواى كتير متملك الجوف والعصب
وما كت دايرة أقولو ليك لكن لسان الحال غلب

ما بنسى يوم ودعتنا وسافرت فى غرة رجب
خليت وراك الدار حزين يتباكا والدمع انسكب

أعذرنى والله العظيم لو ما الضرورة أنا ما كتب
وأنا خايفة فى بعدك يكون الضاع
هو ضعف المكتسب

اليومة داك ناس البلد هنونى شايقيى وعرب
قالو لى مبروك خير وجاك يكتب سلامتو الإغترب

قالو لى دوب نجم السعد
طلاكى من بعد إحتجب
يا دوبا بالك يستريح
وتنسى العذابات والتعب

فضّلت أحسب فى الشهور
قاعدالى فوق نيران لهب
صابرة وحريصة على العيال
لا بيقو للريح فى المهب

سديت خانتك من مشيت قايمابو واجبى كأم وأب
والأسرة يضنيها المسير
وتتهاوى لو ما فيها رب

والله ما بنكر جميلك برضو لينا ثناك وجب
موكب هداياك ما انقطع
كان سترة فى الزمن الصعب

لابسين وماكلين والنعيم كايلنا
فى يوم ما نضب وعايشين معيشة المترفين
طولنا والطبع إتخرب

البيت مفرش بالحرير ومليانة إيدى بالدهب
لكن خسارة على محل
عاش سيدو خمسة سنين عزب

الشى المهم ما قلتو ليك
وليهو إنت ما ظنيت
حسب كبرو الصغيرونين خلاص
خايفالم الطبع الكعب

وصولوها مرحلة الخطر
والأمن ما زال مستتب
وانا كتّ قادراهم زمان
لكن بعد كبرو اتغلب

حصلنى قبل الجد يفوت
دوبنهم فوق العتب
قبال نحصد الخير ندم
ومابيجدى كان لمت وعتب

خايفالم الطيش فى الدروس
ومابرضى لو واحد رسب
خوفنى المتعبنى الكبير
بعدين يمرقو بلا أدب

وريتك الحاصل على
لا فيهو ثورة ولا غضب
شان الحديث مايبقى نى
والواحة يكتنفا الجدب

أنا قلبى مازال لسة حى
ونجمو الملاهج ماغرب
وآخر كلامى ترد على
لا أبقة بكرة أنا السبب
ما كنت دايرة اقولو ليك
لكن لسان الحال غلب ..




















توقيع : أم آيه


التعديل الأخير تم بواسطة أم آيه ; 11-19-2009 الساعة 05:46 PM
عرض البوم صور أم آيه   رد مع اقتباس
قديم 11-19-2009, 12:13 PM   المشاركة رقم: 2
المعلومات
الكاتب:
أم آيه
اللقب:
مشرفة منتدى الأسرة والمجتمع
الصورة الرمزية
 
الصورة الرمزية أم آيه

البيانات
التسجيل: May 2009
العضوية: 472
الدولة: العبيدية /النمر الطاشاب
مشاركات: 9,043
بمعدل : 3.03 يوميا

التوقيت

الإتصالات
الحالة:
أم آيه غير متواجد حالياً
وسائل الإتصال:

كاتب الموضوع : أم آيه المنتدى : منتدى الشعر والخواطر والأدب
افتراضي

ســـــــــــــــــافر


عليك الله سافرعليك الله شيل الأمانى معاك
وشوف البيبكى عليك أو حتى يترجاك
أنا تعبتا خلاص من جورك انت على
تزعل بدون اسباب ومن تانى ترجع لى
خليك معاى واضح لا يبقى قولك نى
يا انت ابقى معاى يا انتى ماليك بى


رغم الحصل والكان ياما صبرتا عليك
كان العشم جواى تصدق معاى عينيك
لكن غرورك فاض كتل البراءة الفيك
خلاك تقول مجبور أنا بكره برجع ليك


اوعك تظن فى يوم أنا قلبى برض الذل
او يستكين هيمان ويرجاك عند الضل
انت الفتحت الباب وقت للخصام ادخل
وانت الزرعتا الشوك وقلعت شجر الفل


أنا فى النهاية إنسان مرهف رقيق حساس
وداير اعيش فى امان واصافى كل الناس
لكن إذا جاء الريد فوق الكرامه وداس
مجبور اقول القول القالوا (بوفراس)

فى شعروا قالوا كلام مدهش جميل يسبى
لا تملك الحسناء مهما تكون قلبى

أنا برضى زيو كمان أعلنت لى حربى
وعايش قليبى بقول يا اخوانا آيه ذنبى

والله يا المريود خليتنى فيك محتار
مرات بشوفك نور مرات بحسك نار
مرسالى وكتين جاك قابلتو باستهتار
وما تنسي أى حريق دائماً بدايتو شرار


يا قلبى اصبر اصلو الظروف قاصداك
معليش إذا جاء الليل وخيم على دنياك
عذراً إذا الأحلام اكبر من الإدراك
وعفواً اذا حبيت زول ماعرف معناك




















توقيع : أم آيه


التعديل الأخير تم بواسطة أم آيه ; 11-19-2009 الساعة 07:31 PM
عرض البوم صور أم آيه   رد مع اقتباس
قديم 11-19-2009, 12:24 PM   المشاركة رقم: 3
المعلومات
الكاتب:
أم آيه
اللقب:
مشرفة منتدى الأسرة والمجتمع
الصورة الرمزية
 
الصورة الرمزية أم آيه

البيانات
التسجيل: May 2009
العضوية: 472
الدولة: العبيدية /النمر الطاشاب
مشاركات: 9,043
بمعدل : 3.03 يوميا

التوقيت

الإتصالات
الحالة:
أم آيه غير متواجد حالياً
وسائل الإتصال:

كاتب الموضوع : أم آيه المنتدى : منتدى الشعر والخواطر والأدب
افتراضي

مرااام

مرام مرقت علي الجيران ومرن ديل كم ساعات
غابت نجمة الضــيفان واكتست الأرض ظلمــات

حكايتـا كان ويامــاكان
حــكايه تشيب الولــدان
حيرت الأنــــس والــجان
وبرهنت انــو مافي امان
رجع وأد الطفــوله زمان
زمــن عبــدت هبل ومناة

بعد لبست جديد فـي جديد
مـرام مرقت تبارك العيد
وقفت سمعتــنا نشيــــد
حلاة موبايلا الفـي الليد
مع التسريحــه والباندات


اتاريهو القــدر منصـوب
مسطر ومـافي منــو هروب
برغم رضانــــا بالمكتوب
ده غـدرا ماوراهو سكات


بدون إنذار بـدون اسباب
مرام غدروها جمب الباب
مرام هجمت عليهــا ذئاب
طباعم من شريعة الغــاب
ملاكا حـــولوهو رفــات


قلوب لا رحـــمه لا إحسان
مدبجه بي صفات شيـــطان
وظهرت قـــــدرة الرحمن
محل اسنانه هو الإثبات


دريبه عــلي الأرض منقوش
سريره مــن العصر مفروش
معالمه باقيه وسط الحوش
ملابس الروضـه واللعبات


بعد شمس العصاري تــغيب
مرام كانت تودي تجيـــب
عنــدها بسكــويت وحليب
في تــــلاجتن راقــدات


وحيدة اخوانا والوالـدين
عليها يخافــوا مـتمنين
تتعلــــم تتم الـــدين
وليها يوزعوا الشربات


ياصاحباته وينه مـــرام
سماح يادوبو فرهــد قام
عمير ماتم خمس اعــــوام
ملازماها البراءه سمــات


عيال الروضـــه ياسمحين
لمن جيتو متـــــماسكين
ماشفتـــوها راحـت ويـن
مرام سرقت منــام العين
مرام حرقت حشا الأمــات


وليه بنقول مرام ماجات

مرام كلما وجيها يلوح تبق جـوانا إحساســـات
مرام بقت القلب والروح سحابه تخدر الـبلدات
مرام غصــــة حلق مجروح تقوقيها القـميريات
مرام صفحة كتاب مفتوح يقروا الطلبه والطالبات
مرام عصفور يئن مزبوح ما شفعلها الدمــــعات
مرام جزء من محمد ونوح تبارك وعم والنازعات
مرام شربة محايه ولوح وفي ساعة المغيب بخرات
مرام دعاء للجميع مسموح بعد ماتكمل الصلوات
مرام حتظل سؤال مطروح جــوه بيوتنا والطرقات
مرام حتظل سؤال مطروح وسط اولادنا في الجامعات
مرام حتظل سؤال مطروح موجه للشباب بالـــذات
ليه بدت السماحه تروح إرث اجدادنا والعادات


أخيرا داير اجيــــــز القول منــو المسؤول
ماالكاتل قصاد مكتـــــول دي مــــاها حلول
إذا الوالد صبــــح مشغول منـــــو المسؤول
ومابنقدر نلــــوم زول بس بنقول منو المسؤول
نقول دي ثقافة البترول وسيف العولمه المسلول
الديجتال مع المحمــــول افلام فاضحه والمسكول




















توقيع : أم آيه

عرض البوم صور أم آيه   رد مع اقتباس
قديم 11-19-2009, 01:51 PM   المشاركة رقم: 4
المعلومات
الكاتب:
أم آيه
اللقب:
مشرفة منتدى الأسرة والمجتمع
الصورة الرمزية
 
الصورة الرمزية أم آيه

البيانات
التسجيل: May 2009
العضوية: 472
الدولة: العبيدية /النمر الطاشاب
مشاركات: 9,043
بمعدل : 3.03 يوميا

التوقيت

الإتصالات
الحالة:
أم آيه غير متواجد حالياً
وسائل الإتصال:

كاتب الموضوع : أم آيه المنتدى : منتدى الشعر والخواطر والأدب
افتراضي

اسمع قلبي داير اوصيك

الليلة ما تدي العبوسة امان

خاينة الدنيا زي السوق يربح يوم ويوم خسران

يصدف زول بلا راس مال يروح السوق يصد ربحان

ويصدف زول يبيع لا حول وتكسر جردة الدكان

اصلها ما بتدوم لي سيدها زي ما قالو اهلنا زمان

لو تديك وصل مكتوب تدوملك برضو مافي امان

كت فاكر ضميرها معاي صافي ابيض من الدبلان

لكن شوفتو شوف بي عيني اتاري اسود من القطران

خايفك قلبي تبرا هواك وخايفك تتبع النسيان

الحب من طريقك شيلو سكنو عالم النسيان

قطع قلبي حش حشاهو وكملو عدمو الشريان

حرقو مرتين سواهو زي البن قلي وغليان

خلي حرارتو تكتم جواه جاب بدل النفس دخان

سيرتي بقت حديث اليسوي والما يسوي وين ما كان

حكايتي بقو البكم يحكوها وحالتي يوصفها العميان

شبهتك علي البيضوي بالليل ما يخيلي مكان

قارنتك معاهو لقيتو فى ضوك غطس مابان

شبهتك علي البيراري فى العلا لا ورا الاذان

وبي راسي اشتريهو رضاك واليابا الصلح ندمان




















توقيع : أم آيه

عرض البوم صور أم آيه   رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
اسلوب عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
ضيافة الاستاذ القامة / جعفر السقيد في منزل مدير عام الشبكة عامر كسلا منتدى الاجتماعيات ومناسبات العبيديه 10 04-22-2012 04:25 PM
اغاني التراث (واقع اجتماعي) md omer منتدى الثقافة والتراث والتوثيق للعبيدية 2 08-05-2011 02:21 AM
قصة أم جعفر عمر علي مكرم منتدى القصص والروايات 4 01-12-2011 07:22 PM
اولـــــــــــــى اغانى الكميترى أم آيه منتدى الفـــــيديو والصــــور 15 12-18-2010 09:43 AM
جعفر نميري اي رجل كان واي حياة عاش الصادق احمد مختار المحامي المنتدى السياسي 6 02-21-2010 03:11 PM


الساعة الآن 02:47 PM.


Powered by vBulletin® Version 3.8.5
Copyright ©2000 - 2017, Jelsoft Enterprises Ltd diamond
جميع الحقوق محفوظة لشبكة منتديات العبيـــدية تنبيه هام ::: كل المواضيع والمشاركات المنشورة في شبكة منتديات العبيدية تعبر عن وجهة نظر صاحبها فقط ولا تمثل رأي إدارة شبـــــكة منتديات العبيدية .

a.d - i.s.s.w