ركن المديح النبوي - ديوان الشفيع

[عمر يعقوب]

جدنا الشفيع محمد الشفيع من اهالي العبيديه الحقينه ومن كبار شعراء الطريقه القادريه بكدباس له العديد من القصائد التي لم تجمع وفيما يلي بعض القصائد الخاصه به والمنشورة بموقع الطريقه علي النت وقد توفي رحمه الله وهو صغير في السن وهو والد جدنا عبد الوهاب الشفيع وهو كعادة المادحين تجده يقلل من قدر نفسه ويهجوها سيرا علي نهج الصوفيه في كسر النفس وتحقيرها ونجد في قصائده يصف نفسه بالبوم ويصغر اسمه للتحقير (شفيعا بوم)
وهناك قصة تروي عنه انه في احدي قصائده مدح نفسه وتفاخر علي الشعراء الاخرين وهو اصغرهم عمرا في ذلك الوقت وكان ذلك بحضور الشيخ الجعلي حيث قال
شفيعا بوم مدحو غير قياسا **** وحاش التلوب وما تم السياسه
التلوب هي النوق الكبيرة وهو يعني انه صغير وفات الكبار ما تم السياسه
فعاتبه الشيخ الجعلي فقام علي الفور وغير البيت الي
شفيع بوم مدحو غير قياسا **** حاشي التلوب ما تم السياسه
غير من كلمه حاش الي كلمه حاشي وهي صغير الابل كما هو معروف وبكل ذكاء غير معني البيت بتغيير اخر كلمه واحد
اللهم ارحمه رحمه واسعه يارحيم

[عمر يعقوب]

بسم الله الرحمن الرحيم
***
لى ابعلامة الرســـول شفاع القيامة لامتين نحدى
***
بادى النظاما بالكريم الموجود دواما
ياكريم ياخالق الانام ننتظم فى سلك الكراما
***
ثانى النظاما على الرسول مصباح الظلاما
كونه يوم الناس فى ندامه جاء الرسول ظلاه الغماما
***
يوم وضوع الخير الختاما ضوت الاكباس والظلاما
صبحوا حيرانين اللئاما النجوس العبدوا الصناما

مرحب حباب اصاحبو الكراما ناس صديق وعمر الروحو ساما
الحبر عثمان ليلو قام مرحب حباب الليث على الصماما
***
يا لسانى اشرع وجيب كلاما الجيلى والجعلى اهل المقاما
الخليفة الكال مده تام ريس الحضرة الحاج اماما
***
يا لسانى اشرع جيب غناك فوق ابوك البخير اتاك
سونا يالحاج فى حماك دنيا والاخرى نلازم معاك
***
يا لسانى اشرع جيب قصائد فوق ابوك الفاق الندائد
الخليفة الكال مده زائد فى زيارتو الخير والفوائد
***
يا لسانى فوق البحره زائد الجاه عم الريف والصعائد
خاشعا لله ربه ساجد كونه بالتهليل حيا المساجد
***
جيت وقيع ياكاب الخزينة جوه القيزان والحقينة
يوم نقيف عورات شاخصينا سونا فى حماك يانبينا
***
الصلاة وتسليما هدينا توصل الدخرى فى المدينة
من شفيعا بوم فعلو شينا اقبلها واتفضل علينا
******

[عمر يعقوب]

بسم الله الرحمن الرحيم
***
من ضريح طه الحجا ريح الصباء هب جاء
***
العبيد قام فى الدجى ناجا ربه وارتجا
لى قلوبنا يسرجا يحل كربنا يفرجا
***
بثنى بى طه الحجا الفضلو باكر يرتجا
يوم العصاة تتنضجا نحن فوق جاه الحجا
***
وضعوه فى يوم الرضا جا نظيف صافى مبردا
كسوه بالانوار ردا خر لله ساجدا
***
نوره فى الكون سرجا ضوى فى جوف الدجى
الحبو فى الجوف وجوجا شوى قلبى وفلجا
***
سيد العجم سيد الفصاح حبو لح الجوف لحاح
نعم العند بابو راح شم نداه المنو فاح
***
مرحب اصحابو النجاح من الاله نالوا افتتاح
شائلين سيوفهم والرماح هانوا لى الكفر القباح
***
الجيلى طرقو بينجدا فيه شيخنا العابدا
الحاج حمد لينا راشدا كافة بيبانهم سددا
***
الحاج حمد ياغافلا الاولياء عنده حافلا
هو الفرض هم نوافلا كافة بيبانهم قفلا
***
البريق لى تمايلا فيه عقلى ياملا
خلى ماقمت راحلا لى بلاد الفاضلا
***
العبيد الناظما نفسو غاشاه موهما
قل شفيعا ناظمااسمه بالحاج عظما
***
صل ربى وسلما بعد حساب نجم السماء
ترضى طه الخاتما تقيف عند بابوتلازما

[عمر يعقوب]

بسم الله الرحمن الرحيم
**********
من ضريح طه الختم ريح الصبا هب نسم
*********
العبيد سم ونظم بالكريم الموجود دوم
جود له يارب بالفهم واشفى جوفو من السقم
***
بثنى بى طه الختم الشفيع يوم الندم
يوم العصاة ريقهم فحم جانا خلاص التهم
***
يوم وضوع خيرالانام شافع الهول اب زحام
خص بى شفاعة الانام الصلى بالنبيان امام
***
يوم عرج من مكة قام داس على حجب السلام
جملة الرسل بالتمام جا العقب ليهم ختام
***
صحبه الكل مامنه راكبين الميامنا
يدخلوا عوق الملاعنا خلوا فى دارهم الفنا
***
الجيلى كابنا وكنزنا ياسلالة سيد منى
املا جوفنا ورقنا نسير بسير اهل الفنا
***
الجعلى يالسائربنا شيخ طريقنا وبرنا
املا جوفنا ورقنا بى صلاح الباطنا
***
اوصيك يامريد قوم سرع لى مسيد شيخنا الورع
نعم البيك ينتفع من خزائن السر شبع
***
شيخنا يا اب قدرا رفيع للينادى يقوم سريع
حاج حمد برضى السميع فاق اسرارهم جميع
***
صلى يامولاى على المكمل الفاضلا
من شفيع مهملا بالذنوب متحملا
*****

[عمر يعقوب]

بسم الله الرحمن الرحيم
******
رسول الله الفى الكتب ممدوح يالفو الصيد ان مرق بالسوح
******
فى مبداى ياربى استجيب لى دعاى
سالتك انت يامولاى تسهل لى اروى غناى
******
بثنى بالخاتم رسول الله ابن ابى هاشم
يوم مالك يرمى مابكالم جانا شافع الويل بالحمول قائم
******
نهار ميلاده ياسامع عيان ساجد للاله خاشع
لاح النور الفى الكيان ساطع يانبى الرحمة للعباد شافع
******
مرحب الاصحاب ناس ابى حفصة الشائلين قوداب
الحبرعثمان يتلى فى الاحزاب مرحباب الليث كم جدع لكلاب
******
مرحب الجيلى مرحب السادات راكبين الغر طافو بالحلقات
الجيلى أبو القيمان مسكنو الغارات كم صلح حيران شيخنا باللحظات
******
مرحباب الحاج مرحباب مدده جيد سلك طرقو انحسب ولده
حين كرب حمر فاق على ندواستلم عصر الكون على يده
******
حين كرب حمر مافى من قاسوكم صلح فاسد والخفيف راسو
عند خيول الغيب تنقر اجراسوكم ورد عدو الصالحين ناسو
******
عند منازل القوز غادى للدكةابوى رئيس لى قوم ابى فركة
بشيل طبلى فوقو بتحكى وحاكى لى شاعرن واحكى
******
يوم تفور سجين طائحة ليها لسان تضمنا يالنبى العدنان
جيت باخوانى احمد وعثمان قول فازوا فى جنان رضوان
******
صل يامجاد على الهادى الوسيلة احمد
من شفيع بوم يروى فى الاقصادارزقوالتقوى وتملو المقصد
*********

[عمر يعقوب]

بسم الله الرحمن الرحيم
***
من حسارك عقلى مال والله ياطه ابجمال
***
يامقدر الروح والاجل نافى الشريك ولم يزل
سهل لى مولاى بى عجل لى روضة المحمود اصل
***
ثنيت بى سيد سهل البيه نال الصيد حلل
بى مسو كم اشفى العلل رد الشمس لاخيه صل
***
ميلاده ياخى عليه صل نوره ضوء الاربع قبل
صاريبكى ملعون ابجهل اقتازت اللات والهبل
***
جن مرضعات كافه الاهل شالتو حليمة به تنال
فرحانه لامتين بى تصل فى سوحها ارجاها النخل
***
ان مر محمود الخصال لى اقدامو تخضعلو الرمال
فاض النمير من كفو سال اروى الجيوش خيلا وبقال
***
ياماشى طالب السيدا كسوه بالانوار ردا
نعم العنالو وشددا ينظر كواكبو تتوقدا
***
واقع بميرف تسعدا من ديل امورا تبعدا
ليله يقيفوا عمائدا بى كفو عنهم صددا
***
صليت على سيد تميم توصل لى بابو تسلم
من شفيع منسجم قوليه ابشر لاتهم
********



بسم الله الرحمن الرحيم
***
بالــــدوام ياخلى قوم سارى للرسول احمد صفوه البـــــارى
***
بادى اشعارى بالكريم الحى ربى غفار
مرتجيك لعيوبنا ستار كونك العالم بالعلوم دارى
بثنى بيك ياطه المختار الرسول احمد صفوه البارى
يوم نقيف ميزانو عبارى جاء الرسول كفو يخمد النار
امنة كل يوم تحظى ببشاريوم وضوع الخير شاعت اخبارى
فى الكيان تتلامع انواروالكفر ضلو صبحوا حيارى
قالت الشفة نحن حضاروضعونور كلوماله مثال
شالتو حليمة حازت اسرار نالت الدارين به تجارى
صحبتو احرار بابكر صديق صاحب الغار
مرحب الفاروق فارس المغارى سيدى أبوحفصة للبلد شارى
فمى شكارى للحبر عثمان سيفو بتارى
مرحب اسد الله سيدى كرار بشتن الكفر هملوا ديارى
الجيلى ياحوارى طرقوشاع لينا فى الارض سارى
خلفو الجعلى شيع اذكار طاوى بى كفو جامع اسرار
الخليفه الحاج قولى سامعنو طنوا يازمال فوقو لاتونو
كل يوم بى بشرى خاصنو كى قبل يسمعوا المعادنو
جيت يالحاج المربينا بى جميع المحتسب لينا
وجميع من فى الله مخاوينا زفة الصديق فيها فائزينا
مصطفى الهادى ابوه واولاده كونه مقدم مابينحادوا
برضاك يارب تملو مراده بالتقوى والارشاد والقبول ذاده
العبيد يارب تعليه بى التقى والايمان تجليه
اسمو وداحمد قلبى راضيهو ختو جنب طه وكراسيه
سو قدام يارسول الله خلو فى حب طه يتجلى
كسو بالهيبات والحله كل يوم فى رتبه يتعلا
صل يامولانا يالله لى نبينا طيب الملة
من شفيع بوم ردى وخملة ترضى اصحابو الكرام جملة
**************

[عمر يعقوب]

بسم الله الرحمن الرحيم
***********
بالدوام ياسارى غير عله للرسول الهادى نبى الله
***
اول الاقوال بسم الله باكريم الاحيا للمله
جل خالق الامة ليها علا فوقهم الساده امدح اجلى
***
بثنى فوق الكاب رسول الله النبى الفى ام سور وفى ام قلة
النبى الاحيولو الرسل صل وجهوفاق البدر يوم هل
***
يوم وضع خاتم الرسل تمة النبى الاروى للجيوش جملة
يوم وقوف الناس فى الحمة كمه ضارانا وزال لناالغمه
***
صحبتو العشرة الكرام تمة بابكر عمر الطيبو الامة
الحبر عثمان عالى الهمة سيدى أبو الحسن الضربه مسما
***
الجيلى ريس السادة سلطانا طرقو ماليا الارض واركانا
خلفو الجعلى يعطى بالدانا ريس الحضرة العالى ديوانا
***
الخليفة الحاج الربانا كونو ولاه جندى جيلانا
سلموه السر بسريانا جالب الامة تاركة بلدانا
***
الخليفة الحاج يصلح اللب جالب الاحباب بى حبه
شربتن خيله فى طريق حربه كونو فى المنكرين يبين ضربه
***
صلى ياخالقنا يارب لى محمد شافع الكرب
ترضى للمحمود الصديق صحبه من شفيعا بوما دلج قلبو
****************

بسم الله الرحمن الرحيم
***
عجبونى ها القيمان شايقنى الليله اهل الكرم والشان
***
بسم الله جبت اوزان بالواحد الديان
ياحى ويارحمن ثبتنا بالايمان
ثنيت بالعدنان طه النبى النوران
شافع النهار الصان جاء وخمد النيران
يوم مولد العدنان النور ضوى الاكوان
فرحت به الحيوان وملائكة الرحمن
اصحابه الاعيان صديق عمر عثمان
الليث أبو الحسنان كم كم فتح امدان
ابن الوليد عفيف رئيس الحربه ام صريف
فوق عاتقه شائل سيف كم كم قتل قطريف
الجيلى والجعلى اهلا بهم سهل
الشربهم حالى انا فوقهم ماببالى
هاك منى يازميل لاسياد لبوس الخيل
الساده القاموا الليل بى كلمة التهليل
هاك منى يازمال للنورهم شعال
الطبلهم تلتال اهل المقام العال
هاك منى جبت امداح للنورهم قد لاح
الطبلهم نباح الجالسوا المصباح
هاك منى جبت ابيات للخلفوا السادات
خليفة شيخ بغداد الحاج صفى الحالات
هاك منى جبت قياس للبسوا السر لباس
عجبونى الدقوا الساس اسياد مسيد كدباس
ياقافل باب السر يانافى الكبر
هوى ومناى اسير كدى عطر الذكر
ياطاوى فوق فهم ياكاشف كل هم
ندم المابيك ندم فى سلكك ماانتظم
فى عصرك مافى شكاك يالحاج حبيب مولاك
ندم الشقى الياباك شيخنا الحمول تالاك
صليت على من فاق الجالب العشاق
شفيعا ليك مشتاق ياصاحب البراق
********

[عمر يعقوب]

بسم الله الرحمن الرحيم
* **
يالبيب زملا بسند الحملة فوق العلى الكاملا شى لله بالسادات
***
بسم الله جيب فصلا بى ربنا الموجود حى قديم فى العلا
مرتجيك يارب كل خير افعلا يارازق الثقلين والكتب منزلا
***
بثنى بالكاملا طه الرسول يس كمه شاملا
يوم تفور سجين حرها انقلا جانا القريشى الحر تاجو بى ظللا
***
يوم ميلاده انجلى الكون لاشك انواره تتشاعلا
الملائكة صفوف حوله تهللا والكفر ضلو اديانهم باطلا
***
اصحابه الكملا الجدوا سيرهم زين مافى من يكسلا
اللامن كان منهم فى البراز نازلا قط مابصد مغلوب كم عيال هملا
***
الجيلى يالكاملا كم صلح فاسقا عاصى مابى الصلاة
فى الذكر طلال قلبو بيك انجلا الحضرة ام ديوان لاشكوك يوصلا
***
الجعلى فوقك بجيب يااشقر القيمان مرتجيك لايخيب
قولى مقصودك بالتمام يالبيب بالفتوح والخير والمقام القريب
***
كونى ليك محتسب يالحاج قمر دورين من كل شى لى تهب
عيب شبابى الراح فى هواى ولعب احجبنى بى حجابا دينى لاينسلب
***
شيخنا متكملا بالجلال والنور بالجميع ميلا
صائما قائم يرجاك يتنفلا كم نشل دركان كم ركز هاملا
***
صلى رب العلا لى خاتم النبيان عد اما هللا
من شفيعا بوم هداها ليك فصلا توصل الحرمين يالرسول اقبلا
*** ***
بسم الله الرحمن الرحيم
***********
ســــــلام عليك يالمبرا استاذنا رئيس الجباه الغـــــــر
***********
ابتديت قولا سالت ربى الكريم المولى
انا واخوتى ومن لينا حول سلكنا طرق الحق لينا اولى
***
ثنيت بى سيدى الرسول احمد شافع الوعيد
يوم الحر فينا يستقيد كفو بيصد لى حمو ام رعيد
***
ميلاده طه الملائكة تم فرحت فى سماها
الكافرين طاح وقع بناها النجوس العبدوا الصنم الاها
***
الاصحاب تراها على خيولا جدت سراها
السادة من يحمل لقاها اصلو النصر بان على جباها
***
الجيلى مرحب زاد بحره عم البنادر تسب
اسقينا كاس كوب الحب نشرب مع نعيم فى السفينة نركب
***
اشقرنا يعجب طريقو من الشر لينا يحجب
ياذاكرين ميلوا بى تادب تنيلو الخير من فيوضو نشرب
***
الحاج حجانا اشتهر فى الكون خلفو الجيلان
عطوه السر سلمو الامانة ارشاده شاع فى ولاده بانا
***
غوث الزمان الحاج بالليل والنهار معانا
دون السادات فيض ابوى ملانا يدور الكوب يسقى للحبانا
***
ختم صلاتى على الرسول مادامت حياتى
شفيعا بوم راوى المديح يهاتى اقبلها ياشافع العصاة
*****

[عمر يعقوب]

بسم الله الرحمن الرحيم
***
ديل الرجال اهل المحبة ابوى الحاج كم صلح وربى
***
ابتديت مخبا كريم ياحى سالك لى تربى
فتوح الخير منى لايغبا انفى الكبر ظاهرا ولب
***
ثنيت قصدت فوق الرسول شافع الكون شرعت
وزن قصيدى برجس مدحت زمال فى الكون لسا مابتعت
***
ميلاده عادا الرسول احمد ياخير الولاده
الشفة بتقول منه جات افاده نار الكفر اخمدت خمادا
***
اصحابه الساده صديق وعمر خيل الحرب قاده
عثمان تلى القران بالمداد صف الكفر حيدر فيه خادا
***
سلطان الساده الجيلى العفيف طرقو خارق العاده
كاسو بيدور يصلح الفؤاد بعده اشتغل القوم بالعباده
***
حالى الودادا الحاج حمد فوق انداده زاد
جندى الجنود ربى ليه جاد اشقر القيمان فاق على الانداد
***
وقيع بالغالى باب السلام ياخوتى وزمال
ابن الامين محمد اصلح حالى ورده حوض بحر الزلال
***
براقا شال تال الشمال من ام سور يلالى
كريم يارب احدى لى للجمال نزور ام رخام البناها عالى
***
صلاتى ساسا على النبى الممدوح بالدراسه
شفيعا بوم مدحو غير قياسا حاشا التلوب ما تم السياسة
******************
******
بسم الله الرحمن الرحيم
***********
الســو اسو ســو الجيلانا نعم ســـاســـا الربانا
************
اول بدانا بالله الكريم ربنا العطانا
مرتجيك انت يامولانا تمن على بى فتحا بيانا
***
ثانى الاوزان على الرسول خاتم انبيانا
يوم الخلوق واقفين محانا كفو المليح بى صد ام لسانا
***
ميلاده حجانا النور سطع ضوء فى الكيانا
هنية امه وحضرنو الحسانا قولا صحيح قصر الروم بانا
***
اصحاب حجانا راكبين سراع شائلين سنانا
عذوا النبى ونصروا الديانا على الكرار هان الكفر هانا
***
الجيلى راحا نعم اليلوذبيك عقلو استراحا
سرك سرى فى الاكوان ساحا ظهر فى الكون ياشمس الفلاحا
***
اشقرنا بارح قالب الغيار فوق اديبا قارح
سرالحاج فاق بحور المالح رئيس السادات المصلوح وصالح
***
سمح الطباعا حبك جلب برنو جاب رفاعا
والومنى انا ماواليتو ساعة فى ارجع وتوب لامن عمرى ضاعا
***
سمح المعانى حبك جلب سائر الاكوان
والومى انا واخجلة زمانى فرجع وتوب لامن صرت فانى
***
صافى وزكية الحاج حمد يابخلقا رضية
مرتجيك ربى من على انظمنى فى سلك القادرية
***
صل العليا على الرسول طه احمد نبيا
شفيعا بوم هاديها الهدية تنجى العصاة فى اليوم الشنية
*******

[عمر يعقوب]

بسم الله الرحمن الرحيم
***
ياكريم يابارى امنحنا بى البي طريقو الخير اصلحنا
***
اول الاقوال بالله بالكريم الامر وناهى
نحن اولاد المساوى نبقى متخاوين فىالله
بثنى بالمختار يسينا النبى ابحبا شاوينا
يوم نقيف عورات صافينا من بلاك شفاعا فينا
يوم وضوعو الخير دخرينا لاحت الانوار للصينا
الملائكة صفوف حافينا ديونت لى نور عينينا
مرحب اصحابو الانجابو ناس صديق وعمر الخطاب
الحبر عثمان للاحزاب نعم اسد الله شائل قودابو
الجيلى واقواموالمتبعة ذكره خفس الارض السبعة
قائمين الليل للهجعة الجعلى ابوى هامتو المرتفعة
الخليفة الحاج ياخلى من فراقو النوم صار قلى
ياكريم يارب سهلى فى طريق القوم مهلى
طن ياصديق لاتبالى فوق ابوك الحاج الغالى
دائما ذكره فى بالى مشرب السابقين لى فالى
ياكريم يابارى التوبة فوق طريق شيخ المقلوبة
الحاج ابوى يادخرى الحوبة يسقى للاسرار بالكوبة
ليلى لى من حباك نادى نادى شيخنا الحاج الراض
فى حضرة الديوان السادة خلفوك يالحاج استاذا
ليلى لى من حباك نادى نادى شيخنا الحاج استاذا
كم صلح قوما فسادا مسكهم مليون اورادا
جيت وقيع ياصمد الفرد ابن حامد وابن المرضى
عمدة عبد الله عن سيدى قول شافع يوم العرض
جيت وقيع ياكاشف الكربه جوه ابسلمان فى الصحبه
اجعله منك ذا قربه انسه برضاك فى التربه
البريق لاح وهبالى لى تالا القبلة شمال
ياكريم يارب نحدى لى زيارة ابنورا شال
الصلاة وتسليم متوالى للشفيع يوم الزلزال
يرضى للمحمود والال من شفيع بوم اهدالى
******************بسم الله الرحمن الرحيم
*****
النوره شال الرسول ياطه ابجمال كونو رئيس الكون
*****
فى المقال بيك يا مولاى ذو الجلالة
ياكريم جود لى بالوصال للرسول احمد سيد بلال
*****
ثانى المقال على الرسول مصباحنا ابجمال
يوم نقيف فى الحر عرقنا سال جا الرسول يتولى الحمال
*****
وضعو الدهر طابا ابن لوى ابن كلابا
نحن لولاك كان دينا سابا الخالفوك فى النيران تعابا
*****
الصحابة شائلا سلاحا فوق رقاب
مشمرين فى الدين والحربا هانوا جيش الكفر الكلابا
*****
الجيلى طبى الجيلى ذكرك شاع حابو ربى اشقر القيــــــمان فيك حبى نعـــــــــم شيخنا الحــاج المربى
*****
صاحب الراية قصدى اواجهو يتم منايا شيخنا صاحب السر والدرايــــــا بيهو سعدت قومــــا شقايا
*****
ياربى ذيده عبدك المسجون حلو قيده
من شفيع بوم جاب قصيدو ياربى لشرح صدرو البليد
*****
صل ديمة على الرسول ود امنة وحليمة
كافة الاخوان فيك عشيمة اجعلهم فى رضاك صاغ سليمة
************************

[عمر يعقوب]

بسم الله الرحمن الرحيم
*************
رضى الله عن ساداتنا جملة تمـــــام الحــــاج الرشيد والجيلى أبو الاعلام
**********
ندعوك يامجيب ياحـــى وياعلام يارازق الخلوق ومصـــور الاجسام
معطينا الفكر لينـــــــا القلب يفهم الاذن للسمع صـــــــــور انف للشم
المجلى البصر والفــــــــــم يتكلم فى الراس جمعن واللحية بيها ختــم
صور فى الذند من كفه لى ابهام ركب للمفاصل من غير شريك تمم
اكمل صورته للسير ســـــو قدم رازقنا الجميع الصـــــــــم واليتكلم
والحوت فى البحار والفى الارض حوام رافع السبعتين من غير عماد فاعلم
داحى للارض بجبالها ليها رسم ندعوك يامجيب بى ســورة الانعام
بى قاف المجيد والفى العرش خدام اسبل سترك يابارى لينـــــــــا يدام
واختم بالشهادة حين قضى الايام
*****
ثنيت بالرسول الهاشمى البســــام الانبـــــاءالجميع والرسل ليها خـــــتم
خذ نسبه الشريف اللاشــبه لاتهم من ام وابن فــــــــــــــى كلاب يلـــــم
منسول من قريش طاهر لــى ادم فى ليلة وضوعو بانت الاعــــــــــــلام
الجور والظلم زال عدلت الاحكام ايوان كسرى طـــــــاح وهدت الاصنام
اصحابه العدول العشرة والاعمام صديق الصدوق وعمر الفشا الدين قام
العدلوا الشرائع وقومــوا الاسلام عثمان رتــــل القران بليله قــــــــــــام والكرار على البى ذو الفغار قلام كم فتح مدائن جاب عزيزهم ســـــــام
همل للنساء وجاب المــلوك خدام طابولنا البلد مـــــــــن اليمن للشـــــام
نحمد ربنا الخصانا بالاسلام
*****
شكر يالســـــانى اذكر النجبــــــاء السادة الكـــــــــــــــــرام الكلهم ادباء هم اهل الامـــــانة اليكشفوا الكرب ذاكرين الالــــــــه بالفكــــــر والقلب
اللامن كان تراه فى صاحبو يعتجبا يبقر فى التقى وكل يــــوم يذيد رغبة
يعطيه الاله مقصوده ماطلـــــــــبا الشيخ الجنيد ياقــــــــــارى خذ كسبا
والجـــــيلى العفيف اليــهو ننتسبا سلطان الرجال العجــــــــم والعرب
نعم اليمتسك فى طرقــــــو يحتسبا يبلغ ماطلب مــــــــــــن شر يحتجبا
يعطيه المراد وينيل به القربا
*****
شكر يالسانى خذ يازمــــــــــيل منى يالقطب الشهير يارفــاعى تضمنى
من كل بليه وشر تؤمــــــــــــــــــنى ياقطب الانام يابــــــــدوى تنجدنى
الداسوقى اب ذند بى سرعة تلحقنى ياخادم الجنـــــــاب الاسمو سمانى
جيتك واقعـــــــــــا ياسيدى عشمان مدلى كاس سرور بى يدك اليمنى
ياشازلى الرجال ابقى لى فى عونى مقصودى الجميع كل حد يعطينى
انا محسوب ممتثل بـــى حبهم كنى امين ياكـــــــــريم لايخيبوا ظنى
*****
شكر يالسانى خــــــذ يازميل سفر استلم الافـــــــــــــ ــادة وبالبلاد ذكــر
الســــــادة الكــــرام للراغبن شكر بى سر سوارى طـه لـــى عطــــــــر
خرسانى الشهير كل مانهم يحضر من بعده بنادى الجعلــــى كاتـــم السر
مــن يـــــوم مانبت ماجلس متكبر حاشاه الحمق لــــــــى جــــاره مابكدر
جيتك واقعا فـــــى امرى لاتقصر محسوب ليك مريد ياسيدى لــى ابصر
تابع للدنية وبالبــــــــــــلاد خاطر كم غشت رجال فـــــــــــى حبها تودر
خل نظرك معاى ياسيدى سر وجهر بى عجلة اللبيب قول فى المسيد يحضر
*****
شكر يالسانى فوق شيخك اتمــادى لـــى قمــــــــــر التمام الينا مشهادا
الطيب بلادنـــــا وزال لها فســـادا المصلح فؤادنــا وخارق العــــــادا
كل يــــوم تاتى بشرى وبيها يذدادا مــــــن خاتم الرسل توصلو بشهادا
الصوم والقيـــــام داوم عليه اعتادا فـــــــــــاق السابقين والليلهو اندادا
السلفوا والفى الحين للارض اوتادا كل التابعين والكــــــــــــانو حسادا
اقطاب الرجال لى امــــــــره تنقادا مالك سرهم يفعلبو مـــــــــــــارادا
عن امر الاله والشرع ماحــــــــادا كل مطلع شمس يهديـــــــلو اعدادا
الاف بالصـــــلاة وبالسبحة اورادا كتــــــــــــابا الملائكة وليها حفاظا
توصل لـــــــــــى محمد سيد السادة يقبلها مــــن طه ويعطى لى قصادا
كونو الحاج حمـــد بحرا طمح زادا ياشمس الضحى الفائق على السادة
*****
الصلاة والسلام عد النبات مــــــاقام ماهبت ريـــــــاح ماهب دعاش نسم
بى عددالكتب ماسطرت اقــــــــلام بى عددالدرس عاجــــــــــــز ويتعلم
بى عدداللغات العــــــربى والاعجام ماصبت مطور مـــــــاكر رعد رزم اصناف ابجناح عصفر بليب وحمام بى عدد النبات حنتوت عشب وتمام
هاديها العبيد الماسه الاســـــــــــقام ان سار مااكتسب حتى ان سكن نوام
بوم قلبو الدلج كل مــــــــالو يتغشم غرقان فــــى الذنوب تابع هواه دوام
واخجلة شبابى الراح سفالك ضــام قـول هذا الشفيع محسوبى فى الخدام
ابشر يالبيب تعلى فى اعلى مقام
*****************

[عمر يعقوب]

بسم الله الرحمن الرحيم
*****
نسيم الحب هب لى عليلا وشوقنى لاهل الوسيلة
ذكرنى احبابى الكرام وسال الدمع فى الخدين يسيلا
رجلا طلقوا الدنيا ووالوا قيام الليل لله الجليلا
منهم راشدون ومنهم خمولا ومنهم من يسير سائر خميلا
منهم شيخنا الاستاذ احمد ابوى جعلى السرور كاب الهميلا
منهم حاج حمد سلطان زمانو ومحمد صاحب الخد الاسيلا
مسلسل نور زكى من جدالى جد ومن نطف طاهرات اصيلا
عصير يوم السبت مولانا جل نزل حفظة لى حزنك تزيلا
يزمل قلبى ليك بالتامل لانه دائم المولى الجليلا
طلع يوم الاحد امر الخلافة والاثنين صدر امرك تبايعرفع علمك واتيت للكل كفيلا
رضاك يابو الكرام للسالكين وامددباليمين فيضا يسيلا
بيكم الشفيع قد توسل فتوح الخير يالكاب ينيلا
صلاة الله ربى ثم سلم على من اتى بالشرع العديلا
محمد خاتم الرسل الكرام شفيع الحشر للنبيان دليلا
****** **************************** *****
بسم الله الرحمن الرحيم
*****
نسم الحب هبالى عسينا وشوقنى للصــــــــــــافى الامينا
ذكرنى احبابا كرامــــــــــــــــــا صرت لفرقهم ابكى انينا
رجالا طلقوا الدنيا ووالـــــــــــــــــوا قيام الليل لله خاشعينا
رجالادمروا الشهوات نالوا شراب الحب بالكاس مطمئنين
منهم راشدون ومنهم خمولــــــــو ومنهم يسير سائح سنينا
منهم من سلى الدنيا وخيرا الـــــى دار البقاء هـــم راغبينا
منهم شيخنا الاستاذ احمد اسو جعلينا فوق جـــــــــاه اتكينا
له جــاها وعز ثم فضلا له مقامـــــــــــــا يفوق الصالحينا
سلام الله على الشيخ المربى ابوى الحاج حمد الرحمة لينا
طلع بدره وخفى كل البدور فريد الوقت قـــوس الراشدينا
موصل للمريد مـــــــن غير شك اذا مااتى بالصفا واليقينا
امانات الرجال طرا حـــــــــــــواها له سر يفوق السابقينا
هنية الزار مسيده وصلى فيهوخلف الرشيد الكاب ركعتينا
ينيل درج العلا رتبا هنية مقــــــــــــام الاتقياء الصالحينا
شفيعا حامل العيب قد اتاكم وقيعا ياكــــــــرام قولوا عفينا
بختم بالصلاة على رسولنا والال والكــــــرام والصالحينا
*********

[عمر يعقوب]

بسم الله الرحمن الرحيم
*****
سلام الله على الحبر الهو عارف مااكل الطعام لى جوفوسارف
مادخل الدواوين دار الهدية وماتبع العبوس لـــى مالها صارف
هائن للنفس صائم نهاره قـــــــائم الليل علــــــــى سيقانه واقف
سلام الله على الشيخ المربى ابسونا الحــاج حمد كم زال لكرب
طلق نفحاتو جلب الناس بحب ذكـر الحـــاج طلع شرقا وغرب
سلام الله على الشيخ المبطر أبو محمد بهانا الفوقــــــــــــونقدل
حليما رؤف للجار مابكدر هائن للنفس كاتم على السر
كفك وابـــــــل العينة المبدر جميع السادة منك بتقصر
سلام الله على جندى الحبور رشيد القوم نعم اليزورو
جميع السادة فى الامر بتشورو لـــى بلاد الاندلس غارن خيولو
تعال يامـــــــريد اسمع لقولو بحر الحــــاج كرب سقى السهول
جميع من لازمك وجهو بينور شراب الحب بكاســـات السرور
سلام الله على حسن الخصال مكنى الحاج حمد بحـــــر الزلال
عطاى بالكف نور وجهو بيلالى فاق السابقين وعلى انداده طال
وقيع ياسادتى عشـــــــمان فى ظنى فتوح العارفين يبقالى فالى
الصلاة وتسليم عدد التســـــــــــــــــابا ماصبت امطار السحابا
ترضى الماحى واصحابه الادابــــــــا شفيعا يفوز يوم الحسابا
**************

[عبد المنعم وش الرجال]

رمضان كريم يا وديعقوب

ويديك العافية مشكور علي الديوان الثر

[بت الخرسانى]

مشكور حقيقه اخونا عمر على هذه الاطلاله الروحانيه التى نفحتنا بها
وحقيقه انا من اكثر العاشقين لشعراء الصوفيه والمديح النبوى , ولكن
للاسف لا الم بالكثير من دواوينهم وقصائدهم , وحقيقه الديوان ده
اعجبتنى قصائده جدا , وتمنيت لو انها بى صوت , لانو الكلام حلو وهو
ملحن وتستشعر كل معانيه وانت تشاهد الحلقات الخاصه بالزكر ....واستحضر
بزاكرتى تلك اللحظات والتى كنت احضر فيها الحوليات السنويه لابونا الشيخ
الجعلى .....

اتمنى لو تحصلت لى على مجموعه اخرى من الدواوين ويجزيك الله عنا
كل خير ياعمر

[الصادق خمجان]

عمر يعقوب تشكر على تلك المدائح

[بت الخرسانى]

كدى نحاول نطلع من جو النكد شويه بتاع السد ده ....

والنمدح ياخ

عمر صنيت مالك ؟

[abufatna]

[بابكر ودمدنى]